Septimanae Latinae Europaeae
Unam Septimanam Latine loqui?
„Quid maxime in Romanis antiquis admiramur?“ – „Quod tam bene et emendate lingua Latina utebantur.“
At tam facile est Latine loqui! In Septimanis Latinis plus quam sexaginta pueri puellaeque, iuvenes, participes cuiusque aetatis tota ex Europa profecti inter se Latine colloquuntur. Cottidie coetus paucorum participum frequentant, ut de sermone Latino, de colloquiis cottidianis, de litteris Latinis discant. Sed etiam otio communi fruuntur. Cenantes, ludentes, ambulantes participes rident, gaudent, garriunt, coquunt, canunt, colloquunter communes. Hoc modo amicitiae fiunt, quae neque limitibus nationalibus neque differentiis aetatis finiantur. Tantum valet lingua Latina!
Septimana Latina
ab die XXXI. mensis Julii usque ad diem VII. mensis Augusti anno MMXXI
Latinitatem inter nationes!
Te invitamus ad Septimanam Latinam Europaeam anno MMXXI futuram.
SEPTIMANA LATINA EUROPAEA
QUANDO?
a die XXXI m. Iulii ad diem VII m. Augusti anno MMXX
MODERATORES:
W. Bohmhammel, Th. Gölzhäuser, D. Harbort, M. Harms, G. Heimann, (R. Hille?)
UBI?
In domo „Höhenblick“, D-35619 Bruninfelsae prope Wetselariam (Chattia)
QUANTI CONSTAT?
Institutio: 100 Euro vel 50 Euro (discipulis et studiosis)
Pretium victus et pernoctationis: 231,- Euro - 458,50 Euro. Pendet ex aetate et
genere conclavium.
Si plura scire vis, scribe ad:
Thomas Gölzhäuser
Chattenhöhe 5
D-35630 Ehringshausen
numerus telephonicus: (+49)-6449-921919
inscriptio electronica: goelzhaeuserpost@hotmail.com
|
Inscriptiones ad Septimanam Latinam petuntur usque ad finem mensis Iunii, si fieri potest.
Vos, discipuli, studiosi, magistri sermonisque Latini amatores ad Septimanam Latinam invitamus. Discite Latine loqui! Cognoscite homines e diversis nationibus! Studia Latina vestra fructus ferent. Hoc inter colloquia, ludos, convivia experiemini et exercebitis. Novum aditum ad cultum Romanum atque Europaeum demonstrare volumus. Sermo Latinus quam ad litteras per saecula exprimendas tam in vita cottidiana adhuc valet. Etiam rem coquinariam Romanam colemus. Excursionem faciemus. Loca amoena ad ambulationes invitant. Apportate etiam, si vobis placet, instrumenta musica!
Saepe interrogamur, an in Septimana Latina totum per tempus Latine loquendum sit. Nemo cogitur; gaudemus quidem quam plurima audire verba Latina. |
|
Cibus vegetarius et veganus quoque comparabitur. Quibus de votis nos certiores facite, quaeso!
Si vobis placet, instrumenta musica vobiscum apportate!
Si tramine advenietis, nomina detis, quaeso. Taxiraeda vos colliget.